Heydər Əliyev Mərkəzinin birgə təşkilatçılığı ilə "Milli dövlətçiliyimizin xilaskarı" mövzusunda elmi-praktik konfrans keçirilib
22 iyun 2023-cü il tarixdə Zaqatala rayon Heydər Əliyev Mərkəzində Yeni Azərbaycan Partiyası Zaqatala rayon təşkilatının, Rayon İcra Hakimiyyətinin və Heydər Əliyev Mərkəzinin birgə təşkilatçılığı ilə "Milli dövlətçiliyimizin xilaskarı" mövzusunda elmi-praktik konfrans keçirilib.
Tədbir iştirakçıları əvvəlcə Ulu Öndər Heydər Əliyevin abidəsi önünə gül dəstələri düzüb, xatirəsini ehtiramla yad ediblər.
Tədbirin əvvəlində Azərbaycanın Dövlət Himni səsləndirilib, Ümummilli Lider Heydər Əliyevin, Azərbaycanın müstəqilliyi və torpaqlarımızın azadlığı uğrunda canlarından keçən Şəhidlərin xatirəsi bir dəqiqəlik sükutla yad edilib.
Ümummilli Lider Heydər Əliyevin həyat və fəaliyyətinə həsr edilmiş videoçarx nümayiş olunub.
RİHB-nın müavini, İctimai-siyasi və humanitar məsələlər şöbəsinin müdiri Vəfa Süleymanova çıxış edərək bildirdi ki, Heydər Əliyev çox böyük dühadır. Onun Azərbaycan tarixində özünəməxsus yeri var. O elə bir şəxsiyyətdir ki, zaman keçdikcə onun dahiliyi, böyüklüyü bizə daha çox aydın olur.
Çıxış edən Qazangül qəsəbə ərazi partiya təşkilatının sədri Mirzə Hüseynov Ümummilli Lider Heydər Əliyevin siyasi hakimiyyətə qayıtmaqla Azərbaycanı məhv olmaq təhlükəsindən xilas etdiyini, Azərbaycan dövlətçiliyinin ona qarşı yönəlmiş qəsdlərdən uğurla çıxdığını, Ümummilli Liderin qətiyyətinin xalqa ruh yüksəkliyi gətirdiyini, inamımızı özümüzə qaytardığını bildirdi.
Çıxış edən Kəpənəkçi ərazi partiya təşkilatının sədri Xuraman Şabanova Ümummilli Liderimizin həyata keçirdiyi şərəfli xilaskarlıq missiyası xalqımızın və bütün dünyanın gözü qarşısında cərəyan etdi, Azərbaycan məhv olmaq təhlükəsindən qurtularaq güclü bir dövlətə çevrildiyini bildirdi.
Dağlı ərazi partiya təşkilatının sədri Ömər Qarayev çıxış edərək bildirdi ki, Heydər Əliyev dühası Azərbaycan dövlətinin, xalqının bir millət kimi yetkinləşməsində müstəsna əhəmiyyət kəsb etdiyindən tariximizin çox parlaq şəxsiyyətlərindən birinə çevrildi.
