Zaqatalanın mədəniyyət müəssisələrində dezinfeksiya işləri aparılıb

14 mart 2020 | 16:00

Zaqatala rayonunda fəaliyyət göstərən mədəniyyət müəssisələrində koronavirus (COVID-19) infeksiyasının yayılmasının qarşısının alınması məqsədilə dezinfeksiya işləri aparılıb.

Tibbi-profilaktik, dezinfeksiyaedici və qabaqlayıcı tədbirlər Mədəniyyət Nazirliyinin müvafiq əmrinin tələblərinə əsasən həyata keçirilib. Dezinfeksiya işləri Zaqatala rayon Heydər Əliyev Mərkəzi, Rayon Mədəniyyət Mərkəzi, Mərkəzi kitabxana və onun şöbələri, Tarix-Diyarşünaslıq Muzeyi, Uşaq İncəsənət Məktəbi və digər müəssisələrdə müvafiq qurumlardan dəvət olunmuş mütəxəssislər tərəfindən aparılıb.

Eyni zamanda, rayonun bütün mədəniyyət müəssisələrində kütləvi tədbirlər tam məhdudlaşdırılıb.

Keçidlər