Zaqatala kitabxanaçıları fəal oxuculara kitab bağışlayıblar
Artıq on ildir ki, dünya əhalisi fevralın 14-nü Beynəlxalq Kitab Bağışlama Günü kimi qeyd edir. Hər il yüksək əhval-ruhiyyə ilə keçirilən bu günün qeyd olunmasına ən çox uşaqlar sevinir, eyni zamanda, böyüklər də diqqətdən kənarda qalmı
Zaqatala rayon Mərkəzləşdirilmiş Kitabxana Sisteminin (MKS) kollektivi də bu təşəbbüsdən geri qalmayaraq, fevralın 14-də oxucularını sevindirib. Əlamətdar gün münasibətilə rayon Mərkəzi Kitabxanasında fəal oxucularla görüş keçirilib. Oxuculara bu nəcib təşəbbüs barədə məlumat verən Zaqatala rayon MKS-nin direktor əvəzi Leyla Məmmədova bildirib ki, bu günün əsas özəlliyi uşaqlara kitab bağışlamaq və onlarda mütaliəyə həvəs yaratmaqdır. Kitabxananın direktoru kitabın və mütaliənin əhəmiyyətindən, asudə vaxtın düzgün təşkilində kitab oxumanın xüsusi rolundan danışıb, kitabxananın daimi oxucularına kitab hədiyyə edib.
Leyla Məmmədova rayon MKS-nin Uşaq şöbəsində, həmçinin Mazıx, Gözbarax, Üçüncü Tala, Bəhmətli, Muxax və digər kənd kitabxana filiallarında da Beynəlxalq Kitab Bağışlama Günü ilə əlaqədar tədbirlər təşkil edildiyini, oxuculara kitab hədiyyə olunduğunu diqqətə çatdırıb.
