Xəbərlər

Ünvan: AZ 6200, Azərbaycan Respublikası, Zaqatala Rayonu, Car küçəsi 03
Faks: (+994 174) 5-22-23
E-mail: mail@zaqatala-ih.gov.az

Zaqatalada ilk startap turu keçirilib
2019-05-17
Zaqatala şəhərində “I2B-İdeyadan Biznesə” layihəsi çərçivəsində ilk startap turu keçirilib. Startap turuna 100-dən çox iştirakçı qatılıb.
İlahiyyat İnstitutu Zaqatalada abituriyentlərlə görüş təşkil edib
2019-05-17
Azərbaycan İlahiyyat İnstitutu (Aİİ) 2019-2020-ci tədris ili üzrə instituta yüksək intellektli və savadlı gənclərin cəlb olunması məqsədilə respublikanın bir sıra bölgələrində yerləşən orta məktəblərin yuxarı sinif şagirdləri üçün məlumatlandırma tədbirlərini davam etdirir. İnstitut kollektivinin növbəti səfəri Zaqatala rayonuna olub.
Bu il Zaqatalanın çay plantasiyalarından 25 ton yaşıl yarpağın yığılması gözlənilir
2019-05-16
Zaqatala rayonunun çay plantasiyalarında bir neçə gündür ki, builki mövsümün ilk məhsulunun yığımına başlanılıb. Rayonda fəaliyyət göstərən “Zaqatala-Çay” Məhdud Məsuliyyətli Cəmiyyətə məxsus plantasiyalardan indiyədək 6 ton yaşıl çay yarpağı tədarük edilib.
Zaqatalada tibbi müayinədən keçənlərin 112 nəfəri stasionar müalicəyə cəlb olunub
2019-05-16
Azərbaycan Prezidenti İlham Əliyevin tapşırıq və tövsiyəsinə əsasən əhalinin pulsuz tibbi müayinədən keçirilməsi aksiyası Zaqatala rayonunda mütəşəkkil qaydada başa çatıb. Fevralın 12-də başlanan və üç ay davam edən aksiya çərçivəsində 76 min 189 nəfər rayon sakini müayinədən keçərək öz sağlamlıqları barədə məlumat əldə ediblər.
Zaqatala rayon İcra Hakimiyyətinin başçısı Mübariz Əhmədzadə Lahıc kənd sakinləri ilə görüşüb.
2019-05-15
15.05.2019-cu il tarixdə Lahıc kənd mədəniyyət evində Zaqatala rayon İcra Hakimiyyətinin başçısı Mübariz Əhmədzadə kənd sakinləri ilə görüşüb. Rayonun xidməti təşkilat rəhbərlərinin də iştirak etdiyi görüşə 170 nəfər kənd sakini qatılmışdır. Görüşdə iştirak edən kənd sakinləri özlərini maraqlandıran məsələlər, problem və sosial qayğıları barədə rayon rəhbərini məlumatlandırmış, problemlərinin həlli istiqamətində aidiyyatı qurumlara tapşırıqların verilməsini xahiş etmişlər. Kənd sakinləri tərəfində qaldırılan məsələlər əsasən sosial xarakterli, mədəniyyət və təhsil sahələrini əhatə etmişdir.
Dövlət Miqrasiya Xidməti Zaqatalada səyyar xidmət göstərib
2019-05-15
DMX-dən bildiriblər ki, səyyar xidmətin imkanlarından 17 nəfər istifadə edib. Onlardan səkkizinə vətəndaşlıq mənsubiyyətinin müəyyən olunması ilə bağlı arayış, iki nəfərə Azərbaycan Respublikasının ərazisində daimi yaşamaq üçün icazə vəsiqələri verilib. Həmçinin sağlamlıq imkanı məhdud olan bir nəfərdən müvəqqəti yaşama icazəsinin verilməsi, bir nəfərdən isə Azərbaycan Respublikasının vətəndaşlıq mənsubiyyətinin müəyyənləşdirilməsi ilə bağlı sənəd qəbul edilib. Bundan başqa, beş nəfərə vətəndaşlıq mənsubiyyətinin müəyyənləşdirilməsi, müvəqqəti, həmçinin daimi yaşama, o cümlədən iş icazələrinin alınması ilə bağlı müraciət etmək üçün sənədlərin siyahısı təqdim olunub.
Əlli il birgə ömür sürmüş Əlixanovlar ailəsi Zaqatalada ən nümunəvi ailələrdəndir
2019-05-15
Ailə milli-mənəvi dəyərlərin təcəssümü, daşıyıcısıdır. Sağlam ailə sağlam cəmiyyət deməkdir. Ölkəmizdə ailə hər zaman müqəddəs sayılıb və bu gün də cəmiyyətin əsas özəyi kimi dövlətin xüsusi himayəsindədir. Bu gün ailə məsələləri həm dövlətin, həm də cəmiyyətin önəm verdiyi ən əsas məsələlərdən, prioritet istiqamətlərdən biridir.
Zaqatala Bölgə Təcrübə Stansiyası qarğıdalı toxumçuluğunun yeganə mərkəzidir
2019-05-10
Zaqatala Bölgə Təcrübə Stansiyası dağların qoynunda yerləşir. Əkinçilik Elmi-Tədqiqat İnstitutunun nəzdində fəaliyyət göstərən stansiya zəngin elmi-tarixi ənənələrə malikdir. 1924-cü ildə tütün dayaq stansiyasının bazası əsasında yaradılıb, o vaxtdan bütün fəaliyyəti əkinçiliyin inkişafına yönəlib. Burada həyata keçirilən elmi-tədqiqat işlərinin istiqamətləri genetika, bitkilərin fiziologiyası və biokimyası, mühafizəsi, seleksiya və toxumçuluğun nəzəri əsasları, dənli taxıl və paxlalı bitkilərin keyfiyyətli, məhsuldar yeni sortlarının yaradılması, ilkin toxumçuluğun təşkili və yüksək reproduksiyalı toxum istehsal etməklə istehsala tətbiqidir.
Niderlandın azərbaycanlı Milli Qəhrəmanının qızı ata ocağını ziyarət etmək üçün Zaqatalaya gəlib
2019-05-10
İkinci Dünya müharibəsinin iştirakçısı, partizan, Hollandiya Müqavimət Hərəkatının görkəmli nümayəndələrindən biri, Niderlandın azərbaycanlı Milli Qəhrəmanı Məmməd Məmmədovun hazırda bu ölkədə yaşayan qızı Nansi (Nənəxanım) Məmmədova ata-baba ocağını ziyarət etmək üçün ailə üzvləri ilə birlikdə Zaqatala rayonuna gəlib.
Müharibə illərində cəbhəyə yola salınan 6 mindən çox zaqatalalı döyüşçünün yarısı geri qayıtmayıb
2019-05-09
İkinci Dünya müharibəsində faşizm üzərində qələbənin 74-cü ildönümü münasibətilə Zaqatala şəhərində keçirilən bayram tədbirinin iştirakçıları əvvəlcə müharibədə həlak olanların xatirəsinə ucaldılmış “Xilaskar əsgər” abidəsinin önünə gül-çiçək düzüb, igid həmyerlilərinin xatirəsini ehtiramla yad ediblər.
Birinci rübdə Zaqatalada ümumi məhsul buraxılışının həcmi 23,2 faiz artıb
2019-05-06
Bu ilin birinci rübündə Zaqatala rayonunda ümumi məhsul buraxılışının həcmi ötən ilin eyni dövrü ilə müqayisədə 23,2 faiz artaraq 76,5 milyon manat olub. Məhsul buraxılışı sənayedə 49,8 faiz, kənd təsərrüfatında 8,1 faiz, nəqliyyatda 4,4 faiz, rabitədə 5,7 faiz artıb. Birinci rübdə rayonda 4 milyon 343 min manatlıq tikinti-quraşdırma işləri həyata keçirilib. Rüb ərzində 207-si daimi olmaqla, 227 yeni iş yeri açılıb.
Zaqatalada Kitab bayramı
2019-05-04
Azərbaycan qədim dövrlərdən öz yüksək kitab mədəniyyəti ilə seçilib, zəngin kitabxanaları ilə tanınıb. Kitabxanalar xalqımızın milli sərvətidir və bu sərvətin qorunub saxlanmasında, cəmiyyətin intellektual və mədəni potensialının artırılmasında onların rolu əvəzsizdir.
Zaqatalalı kümçülərə 1500 qutu ipəkqurdu paylanılacaq
2019-05-02
Builki mövsümdə Zaqatala rayonunda yaş barama istehsalının ötən illə müqayisədə 12 ton artırılaraq, 60 tona çatdırılması planlaşdırılır. Barama yetişdirilməsi üçün kümçülərə 1500 qutu ipəkqurdu paylanılacaq.
Zaqatalada kənd əhalisinin baramaçılığa marağı artıb
2019-05-02
İpəkçiliyin inkişafına dövlət dəstəyinin gücləndirilməsi Zaqatala rayonunda da ənənəvi sahələrdən olan baramaçılığın dirçəldilməsinə müsbət təsir göstərir. Təsadüfi deyildir ki, son illər rayonda baramaçılığa maraq göstərən kümçü ailələrinin sayı xeyli artıb.
Zaqatala rayon İcra Hakimiyyətinin başçısı Mübariz Əhmədzadə Aşağı Tala kənd sakinləri ilə görüşüb
2019-05-01
01.05.2019-cu il tarixdə Aşağı Tala kənd mədəniyyət evində Zaqatala rayon İcra Hakimiyyətinin başçısı Mübariz Əhmədzadə kənd sakinləri ilə görüşüb. Rayonun xidməti təşkilat rəhbərlərinin də iştirak etdiyi görüşə 275 nəfər kənd sakini qatılmışdır. Görüşdə iştirak edən kənd sakinləri özlərini maraqlandıran məsələlər, problem və sosial qayğıları barədə rayon rəhbərini məlumatlandırmış, problemlərinin həlli istiqamətində aidiyyatı qurumlara tapşırıqların verilməsini xahiş etmişlər. Kənd sakinləri tərəfində qaldırılan məsələlər əsasən sosial xarakterli, mədəniyyət və təhsil sahələrini əhatə etmişdir.
Zaqatalalı arıçı: Subsidiyaların verilməsi arıçılığın inkişafına böyük dəstəkdir
2019-04-30
Dövlətin arıçılığa dəstəyinin gücləndirilməsi respublikamızın digər regionları kimi, Zaqatala rayonunda da əhalinin bu gəlirli sahəyə marağının artmasına səbəb olub. Son vaxtlar rayonda arıçılıqla məşğul olanların sayı xeyli artıb.
Zaqatalada görkəmli oftalmoloq-alim Zərifə Əliyevanın xatirəsi anılıb
2019-04-27
Azərbaycan tibb elminin inkişafında müstəsna xidmətləri olan görkəmli oftalmoloq-alim Zərifə xanım Əliyevanın mənalı ömür yolu hər bir azərbaycanlı, elm adamı və tibb işçisi üçün əsl həyat və mənəviyyat dərsi, kamillik və müdriklik məktəbidir.
Çernobıl qəzasının nəticələrinin aradan qaldırılmasında Zaqataladan 58 nəfər iştirak edib
2019-04-26
Dünyanın ən böyük nüvə fəlakəti hesab olunan Çernobıl qəzasından 33 il ötür. 1986-cı il aprelin 26-da Çernobıl Atom Elektrik Stansiyasının dördüncü blokunda baş vermiş qəza nəticəsində yüzlərlə insanın həyatına son qoyulub, yüz minlərlə insan radioaktiv şüalanmaya məruz qalaraq sağlamlığını itirib, böyük bir ərazi xarabazara çevrilib. Qəzanın nəticələrinin aradan qaldırılması üçün keçmiş sovet respublikalarından yüz minlərlə insan, o cümlədən 7 mindən çox azərbaycanlı cəlb edilib. Bu barədə Çernobıl qəzasının ildönümü ilə əlaqədar aprelin 26-da Zaqatala Rayon İcra Hakimiyyətində keçirilən tədbirdə məlumat verilib.
Zaqatalada meşədə silah-sursat tapılıb
2019-04-26
Aprelin 25-də Zaqatala Rayon Polis Şöbəsinin və Dövlət Təhlükəsizliyi Xidmətinin şimal-qərb regional mərkəzinin əməkdaşlarının birgə keçirdikləri əməliyyat-axtarış tədbirlər zamanı rayonun Kəbəloba kəndi ətrafında yerləşən meşəlik ərazidə şübhəli bağlama aşkar edilib.
Kənd təsərrüfatı naziri Zaqatalada vətəndaşları qəbul edib
2019-04-26
Azərbaycan Prezidenti İlham Əliyevin tapşırıq və tövsiyələrinə əsasən, mərkəzi icra hakimiyyəti orqanlarının rəhbərləri bölgələrdə vətəndaşların qəbulunu keçirir, onların müxtəlif məsələlərlə bağlı müraciətlərinin, ərizə və şikayətlərinin müsbət həll olunması üçün tədbirlər görürlər.
Zaqatalada heyvanlar arasında profilaktik tədbirlər aparılır
2019-04-24
Kənd Təsərrüfatı Nazirliyi yanında Dövlət Baytarlıq Xidməti (DBX) tərəfindən ölkə ərazisində epizootik sabitliyin təmin edilməsi və zoonoz xəstəliklərin qarşısının alınması istiqamətində tədbirlər davam etdirilir.
Zaqatala rayon İcra Hakimiyyətinin başçısı Mübariz Əhmədzadə Zaqatala şəhər sakinləri ilə görüşüb
2019-04-24
24.04.2019-cu il tarixdə Zaqtala şəhər Qala düzü ərazisində yerləşən "Xeyir Şər evi"ndə Zaqatala rayon İcra Hakimiyyətinin başçısı Mübariz Əhmədzadə şəhər sakinləri ilə görüşüb. Rayonun xidməti təşkilat rəhbərlərinin də iştirak etdiyi görüşə 180 nəfər şəhər sakini qatılmışdır. Görüşdə iştirak edən şəhər sakinləri özlərini maraqlandıran məsələlər, problem və sosial qayğıları barədə rayon rəhbərini məlumatlandırmış, problemlərinin həlli istiqamətində aidiyyatı qurumlara tapşırıqların verilməsini xahiş etmişlər.Şəhər sakinləri tərəfində qaldırılan məsələlər əsasən sosial xarakterli, mədəniyyət və təhsil sahələrini əhatə etmişdir.
Yaz mövsümündə Zaqatalada 20 hektarda yeni qızılgül plantasiyası salınıb
2019-04-23
Ənənəvi və ixrac potensialı yüksək sahələrdən olan gülçülüyün inkişaf etdirilməsi Zaqatala rayonunun iqtisadiyyatı üçün prioritet istiqamətlərdən biridir. Ötən il rayonun Aşağı Tala kəndində “AzRose” MMC-nin qızılgül yağı istehsalı müəssisəsinin fəaliyyətə başlaması “Qızılgüllər diyarı” kimi tanınan Zaqatalada gülçülüyün əvvəlki şöhrətinin bərpa edilməsinə öz töhfəsini verməkdədir.
Zaqatalalı fermer bu il soya bitkisinin əkin sahəsini iki dəfəyədək artıracaq
2019-04-23
Zaqatala rayonunun fermerləri artıq üçüncü ildir ki, soya bitkisinin əkininə maraq göstərirlər. 2018-ci ildə fermerlər 100 hektar soya sahəsindən 194 ton məhsul tədarük ediblər. Soya əkilən sahələrin böyük hissəsi Muxax kənd sakini Abdulla Mahmudovun rəhbərlik etdiyi “Muxax” İstehsal Kooperativinin payına düşüb. Ötən il təsərrüfat sahibi əvvəlcə 45 hektarda soya əkib, 95 ton məhsul tədarük edib. Taxıl biçini başa çatdıqdan sonra fermer 50 hektarda təkrar əkin kimi yenidən soya əkib və hər hektardan 1 ton məhsul götürüb.
Prezident Administrasiyasının məsul işçiləri rayon vətəndaşlarını qəbul edəcək
2019-04-23
25 aprel 2019-cu il tarixdə saat 10:00-da Prezidentinin Administrasiyasının məsul işçiləri Zaqatala rayon İcra Hakimiyyətində vətəndaşların qəbulunu keçirəcək